Lo pont e autras novelas

Lo president a vita virava l'eschina a sos ministres. Espiava drech davant se, sens dire mot, tras la vitra de son bureu. Un rund sord, una mena de jepa-japa fòrça luenh, gaireben estofat, arribava jusc'a las aurelhas de sos conselhiers silenciós. S'esperavan que lo President decidesse una novela campanha sanitària e desjà se preparavan a donar daus òrdres en consequéncia. Mas queste jorn lo President a vita parlet de chausa ben autra. - Anem bastir un pont, çò-ditz sens se desvirar.