top of page
Cronicas de Vent-l'i-bufa 2 - Joan Ganhaire

Cronicas de Vent-l'i-bufa 2 - Joan Ganhaire

16,00 €Prix
Quantité

E òc, Chantagreu es totjorn quí, pincat sus son terme, e en debàs, cort una ribiera... mas dins la suaudor apparenta de queu decòr bucolic, quò es tota una umanitat que minja, beu, aima, se breja, trabalha quante pòt pas far autrament, viu, qué...

I encontraretz un maire que migra per sa reeleccion e son eschina, un torista un pauc perdut, un curet que a bien dau malor coma sos parofians e lo quite Bon Diu, una dròlla que tòrna au país fortuna facha, una autra que contra esperança 'chaba per se maridar, un bolengier fumelaire, un vielh que ne’n 'chaba pas de morir, una revòlta botarela, una partida de pescha bien especiala, un viatge diplomatic malaisat... E tanben l’eternau vielh garçon tot sole sus son terme dins una baralha sens fin contre lo vent, la mauchança e la neciariá umana. Tot un pitit monde que coneissetz benleu desjà e qu’espere tornaretz trobar emb plaser.

 

Los textes que seguen, coma los que se tròban dins lo prumier tòme, an començat de paréisser i a mai de quaranta ans dins un pitit bulletin publiat a Bordelha. Ventador era son nom. Darrier quela apelacion prestigiosa se 'clachava (entre autres) la volontat de familiarizar los legeires occitanofònes emb la grafia normalizada, de lur monstrar enfin lur lenga dins daus 'bilhaments dignes d’ela. Prumiers pas de l’autor dins l’escritura occitana, an las imperfeccions d’un prumier obratge, e los còps de riflard se vesen un pauc tròp, coma dins dau faus rustique...

L’autor pasmens a ren vougut chamjar dins quelas istòrias que se vòlen tanben testimònis d’un temps onte las referéncias popularas escrichas eran las istòrias lemosinas de Panazòu e los dialògues lengadocians de Catinon e Jacotin.

Las Cronicas de Vent-l’i-Bufa contan de las istorietas onte, au fons comique tradicionau, se boiran una realitat rurala e l’imaginacion de l’autor, totjorn a un piau dau fantastique...

  • Libre + 2CD

    Autor : Joan Ganhaire Lenga :  Occitan Parucion : 11/2023 Editor : Novelum – IEO Nb de pajas : 100 Poids :  203g ISBN : 978-2-917451-46-5

Aucun avis pour le momentPartagez votre expérience, soyez le premier à laisser un avis.
logo novelum ieo perigòrd

L'occitan pertot per tots !

SECCION PERIGÒRDA DE L'INSTITUT D'ESTUDIS OCCITANS

La letra de Novelum

L'actualité occitane du Périgord, dans votre boîte mail.

Mercés de nos segre !

Contact

SIÈGE SOCIAL

21 RUE BÉRANGER · PÉRIGUEUX

LOCAL ASSOCIATIF

1 RUE DE LA SAGESSE · PÉRIGUEUX

06 01 04 82 87

novelum.ieo24@free.fr

 

​

  • Instagram
  • Facebook
  • YouTube
logo département dordogne occitan
logo mairie de Chancelade
FDVA-2024-1.jpg - copie.jpg
Logo ville de Périgueux
LOGO_RNA_RVB_NOIR.png
bottom of page